Lingua galega - Xoves 21 de maio

Boas tardes! Xa que mañá é festivo na honra a Santa Rita colgareivos hoxe as actividades para estos días.

En lingua galega imos continuar traballando sobre o relato "As pitas baixo a choiva", de Ricardo Carvalho Calero.

• Na primeira actividade debemos investigar se na vosa vila hai algún chafariz, que é unha fonte con varias saídas para a auga, e despois debuxalo. Déixovos unha foto dun que hai na miña vila, Vilalba.

• Na segunda actividade imos traballar os topónimos e xentilicios. O topónimo é o nome dun lugar (por exemplo O Barco de Valdeorras). Os xentilicios son os nomes que reciben os habitantes dese lugar (por exemplo barquenses).

• No último exercicio imos repasar as onomatopeias, que xa vimos tanto en lingua castelá como en lingua galega.